Hindi pala natuloy sa Babaing Hampaslupa ng TV5 si Agot Isidro, may naging problema sa negosasyon. Kung natuloy lumipat si Agot, hindi lang ang soap ang kanyang gagawin sa istasyon, isasama rin siya sa Talentadong Pinoy at isa pang show sa bubuksang free channel ng TV5.
Si Bing Loyzaga ang pumalit kay Agot sa role ng main villain ng soap ng TV5 at gaganap sa role ni Katarina. Mahusay ding aktres si Bing at kayang-kaya niyang pahirapan sina Alice Dixson, Alex Gonzaga, at Ms. Susan Roces.
Mapapanood pa rin naman si Agot dahil kasama siya sa The General’s Daughter ng ABS-CBN na eere next year.