Sa Jan. 24 na ang pilot ng Machete na pagbibidahan ni Aljur Abrenica, kaya pagpasok ng bagong taon, ang pagti-taping ng soap ang kanyang priority. Kumukuha siya ng wushu class, ngpapa-fit at kailangan din niyang mag-acting workshop dahil ayaw mapahiya sa mga kasama gaya ni Ryan Eigenmann na kanyang kontrabidang aktor.
Paghahanap sa eternal at true love ang istorya ng bagong Machete at masaya si Aljur dahil hindi na siya nag-audition, siya ang pinili ng GMA 7 na gumanap sa role ni Machete. Masaya siya sa mga leading ladies niyang sina Ryza Cenon at Bela Padilla at kasama pa ang nali-link sa kanyang si Gwen Zamora.
