Unang pasabog ng GMA Network sa 2011 ang Heart Evangelista at Dennis Trillo starrer na Dwarfina. Kakaibang excitement ang hatid nito base sa TV plug tungkol sa love story ng normal na lalaki (Dennis) at babaing duwende (Heart).
Unang nagsama sa episode ng Dear Friend sina Heart at Dennis na sinundan sa pelikulang Mano Po 6.
Sayang nga lang at may kani-kanyang pag-ibig na ang dalawa kaya hindi na sila puwedeng i-link pa, huh!
Bukod kina Heart at Dennis, star studded ang fantaserye na kinabibilangan din nina Janice de Belen, Chanda Romero, Cris Villanueva, Iwa Moto, Mark Bautista, Derrick Monasterio, Yogo Singh, Kylie Padilla, Jackie Lou Blanco, Jestoni Alarcon, Angelika dela Cruz, Emilio Garcia, Pauleen Luna, Tony Mabesa, Will Devaughn, Mico Aytona, Vaness de Moral, Gerrard Pizzaras at Bearwin Meily. Special guest naman si Cong. Lani Mercado. Mula ito sa direksiyon ni Mike Tuviera.
