Sa kauna-unahang pagkakataon, gaganap na gay si Tirso Cruz III dahil siya ang gay uncle ni Regine sa I Heart You Pare. Kamukhang-kamukha ni Tirso ang kanyang misis na si Lyn Ynchausti sa gay picture niya sa press kit ng I Heart You Pare.
Mahusay ang make-up artist ni Tirso dahil nagawa niya na maging kamukha ni Lyn ang asawa nito.
Cesar/Sarsi ang pangalan ng character ng veteran actor sa gay-ly sophisticated romantic comedy TV series ng GMA 7.
Binuhay ng Kapuso network ang pangalan ng mga softdrink beauties na pinasikat noon ng namayapang ta*lent manager na si Rey dela Cruz dahil Sarsi, Pepsi at Coka ang pangalan ng mga gay impersonator na mapapanood sa primetime show ni Regine.
Hindi na kilala ngayon ng mga kabataan ang original softdrink beauties na nagpaseksi noon sa pelikula, sina Sarsi Emmanuelle, Coca Nicolas at Pepsi Paloma, ang sexy star na kinitil ang sariling buhay sa pamamagitan ng pagbibigti noong May 1985.
