Tiyak na magiging uso na naman si Marian Rivera kapag ipinalabas na ang Amaya.
Don’t get us wrong, pero ang ibig naming sabihin, talagang manunumbalik ang kanyang pagka-reyna sa GMA7 dahil kumpletos-rekados ang naturang epicserye at naniniwala kaming pinagkagastahan nga ito ng Kapuso Network.
Sa costumes pa lang, ma-kikita na ang milyones na halaga, plus ’yung mga sasakyang pandagat noong unang panahon na talagang kinarir ang paggawa.
Ito rin ang unang original soap na ginagawa ni Marian dahil ’yung mga naunang soap na nagpasikat sa kanya, puro remake o mga kilala na. Kung dito nga naman siya mas makikilala, magandang bentahe ito sa kanyang pagka-aktres.
Sa supporting cast pa lang, winner na ang soap na magsisimula ngayong Mayo 30 sa direksyon ni Mac Alejandre.