Kilalanin simula ngayong gabi ang bagong best friend ng bayan na si Bangis — isang dambuhala ngunit mapagmahal na prehistoric creature. Hindi man pangkaraniwang nilalang, pihadong mapapamahal ka naman sa kabutihan at busilak na puso ng matalik na kaibigan na ito ng batang si Eboy, na gagampanan ng bagong child actor na si BJ Go.
Inaasahang magtuturo ng magandang aral sa mga bata at sa buong pamilya ang higante-seryeng ito ng TV5, tulad ng pagmamahal sa alagang hayop, sa kaibigan at sa kalikasan.
Samahan sina Eboy at Bangis sa kanilang pakikipagsapalaran sa gubat habang sinusubukang malampasan ang mga pagsubok na dulot ng masasamang taong nais sirain ang kanilang pagkakaibigan. Si Anjo Yllana ang magbibigay-boses sa karakter ni Bangis.