Kilala ang Asia’s Songbird na si Regine Velasquez bilang isa sa mga pinakamababait na personalities sa showbiz industry. Walang nagiging kaaway ito sa lahat ng mga nakakasama niya at lahat ay papuri sa kanya.
Dahil sa kanyang galing sa pag-awit, halos lahat ng mga singers dito sa bansa ay bilib sa kanyang galing kaya naman kabi-kabila ang mga nanggagaya sa kanyang singing style. Mayroong mga stand-up comedians na siya na lang ang talagang ginagaya kaya naman halos lahat ng kanta ni Regine ay bentang-benta.
Immitation is still the highest form of flattery pa rin kay Regine kaya lahat halos ng mga nanggagaya sa kanya ay kinikilala niya.
Kaya naman hindi nakakapagtakang si Angeline Quinto ang pinili ng Asia’s Songbird na si Regine Velasquez bilang pumalit sa trono niya. Ipinakita niya ang pagsuporta rito sa pagattend niya sa kauna-unahang concert ni Angeline at maging special guest nito. Buong ning-ning pa niyang ipinagsigawan ng Asia’s Songbird, na si Angeline ang susunod na Superstar.
Hindi naman nagkakamali si Regine sa paraan na parang kung may korona siya bilang singer, ipinuputong na niya ang korona ng kasikatan kay Angeline. Hindi lang dahil kaboses niya at kamukha ito kundi kilala si Angeline na isa talagang masugid na tagahanga ni Regine. Sa simula pa lamang na sumali ito sa mga singing contest ay si Regine na ang binabanggit nito.
Siguradong malayo ang mararating ni Angeline basta sundin lang niya ang pagiging mababang loob ng kanyang idolo at pagmamahal sa kanyang mga fans.