Nasa lungkot mode na si Glaiza de Castro dahil malapit nang magtapos ang Grazilda na aabot ng 15 weeks sa ere.
Nasa kanya na ang script ng week 15, pero ayaw muna niyang basahin. Marami siyang mami-miss sa pinagbibidahang fantaserye kabilang ang co-stars na pawang mababait, kahit ’yung mga gumaganap na kontrabida.
Matutuwa ang Team Eric (Geoff Eigenmann) dahil siya rin ang gusto ni Glaiza na makatuluyan ng karakter niyang si Grazilda dahil sa marami nilang pinagdaanan together.
Pero alam ni Glaiza na may Team Kasmir (Daniel Matsunaga) rin sa viewers.
“Parehong masayang katrabaho sina Geoff at Daniel, mas palabiro at mas maharot lang si Daniel at may pagka-seryoso si Geoff, but at least, hindi ako nanu-nose-bleed sa kanya.”
May Christmas break ang taping ni Glaiza, kaya may time siya to be with her family sa Pasko at maayos ang bahay nila lalo na ang kanyang kuwarto.
Sumabay sa taping ang kanilang paglipat at hindi pa niya naiikot nang husto ang kanilang bahay.
