Pinatunayan ng Wowowee na ito nga ang nag-iisang ‘tahanan ng bawat Pilipino saan man sa mundo’ dahil talagang pinagkaguluhan ng mga Kapamilya ang pagtatanghal ng top-rating noontime show sa Dubai Festival City sa UAE last Friday, January 30. Punong-puno ng mga masugid na Wowowee fans ang malawak na venue kung saan ginanap ang show. Mukhang super sulit naman ang paghihintay ng mga tao dahil sa napakagandang show na kanilang napanood mula kina Willie Revillame at ng kanyang buong barkada.
Opening number pa lang umaapaw na sa energy ang lahat sa pangunguna ni Willie na inawit ang kanyang signature song na Igiling-Giling. Tuloy tuloy ang kasiyahan dahil naghanap si Papi ng 20 mula sa audience na may best Igiling-Giling moves na nakapaglaro sa kwelang ‘Hep Hep Hurray’ portion ng show. Halatang nasusubaybayan ng players ang masayang laro dahil lahat sila ay super attentive sa pagsigaw ng ‘Hep, Hep, Hurray!. Sa huli ay isang maswerteng babae ang nakapag-uwi ng bonggang premyo.
Kasama rin sa show ang sikat na composer na si Lito Camo. Inawit niya ang ilan sa kanyang patok na novelty songs tulad ng Bulaklak, Jumbo Hotdog, at Sasakyan Kita. Ka-duet niya ang seksing co-host ng show na si RR Enriquez. Sina Pokwang at Mariel Rodriguez naman ang nagdagdag ng saya sa iba pang game portions.
Sa mga nakapanood ng live sa Wowowee Sa Dubai, pwede niyong i-share ang inyong mga photos sa masayang pagtitipon. Join na sa http://wowoweeworld.multiply.com para makapag-upload ng inyong photos. At para sa updates ng iba pang Wowowee shows abroad, log in ka lang lagi sa www.ABS-CBN.com.
Original Post : Wowowee Sa Dubai, dinumog ng mg Pilipino