Mabentang-mabenta talaga si Marian Rivera bilang superhero. Imagine, matapos mamayagpag sa TV bilang Darna, heto’t isang superhero na naman ang role niya sa Metro Manila Film Festival entry ng Regal Entertainment sa bagong bersyon ng Maricel Soriano movie na Super Inday.
Unang-una, walalang pakialam si Marian kung ibuyangyang man niya ang kanyang alindog sa bawat costume na kanyang sinusuot. Sa Darna, two-piece kung two-piece ang suot at wala siyang keber kung dagsain ang taping niya ng mga kalalakihan. Kasi nga, pagdating sa kaseksihan, confident na confident ang aktres, lalo at walang niretoke sa kanyang katawan!
Kaya naman nang ibigay sa kanya ni Mother Lily ang role ni Super Inday at super-seksi rin ang pink niyang costume, walang tanggi si Marian na isuot ito, kahit na umaalug-alog pa ang kanyang boobs sa ilang action scenes.
“Kaya nga kay Marian ko ibinigay ang remake ng Super Inday. Never siyang nagreklamo sa costume na gamit niya sa shooting. I think Marian did justice sa role niya bilang Super Inday,” pagmamalaki ni Mother Lily.
Pangalawa, pagdating sa kutis, aba, flawless na flawless ang skin ni Marian, ’di ba?
So, ang sarap-sarap niyang pagmasdan mula ulo hanggang paa!
Kaya naman marami ang nahahalina sa ganda ng mukha, hugis ng katawan at malasutlang kutis ni Marian na kanyang maipagmamalaki kaninuman.
Ihanda nang pagpistahan ang kaseksihan ni Marian sa Super Inday. Dahil bukod sa hatid niyang ligaya, siyempre pa, punumpuno rin ng aksyon at fantasy ang pelikula na tampok din sina Jake Cuenca, Pokwang, John Lapus at maraming iba pa.
1 Comment
super inday trailer
http://www.youtube.com/watch?v=xc3MvKHSX7k