Boto si Maxene Magalona na itinatambal ng Party Pilipinas ang kapatid niyang si Elmo Magalona kay Julieanne San Jose.
Kinikilig si Maxene sa production number ng dalawa.
Biniro ko si Maxene na baka may something romantic going on between her younger brother and Julieanne.
“Ay, boto ako na sila ang pinagpapareha kesa sa iba pa ang ipareha kay Elmo. Pero hanggang ‘yung parang love team lang sila, pero wala munang ligawan,” simula ni Maxene.
Mas gusto ni Maxene na mag-concentrate muna si Elmo sa career nito.
Pagpasok ni Elmo ng dressing room after ng production number nila ni Julieanne, inusisa ni Maxene ang kapatid.
“Elmo, sinisita ako ni Jun Lalin.
Tinatanong ako kung may girlfriend ka na. I told him na career ang priority mo,” sey ni Maxene sa kapatid.
“Wala pa po akong girlfriend. Career po muna talaga,” sabi ni Elmo.
My gosh, kino-control ni Maxene ang lovelife ni Elmo?
“Hindi naman, pero siya naman mismo ang nagsasabing career muna,” sabi pa ni Maxene.