Ang alam namin, unang mare-release ang solo album ni Frencheska Farr under GMA Records, pero parang walang gaanong balita tungkol dito. Ni hindi alam ang title ng album at kung ano ang carrier single nito at kay Bianca King lang namin nalamang magsu-shoot sila ng music video ng single dahil siya ang director.
Sabi tuloy ng ilang press, baka maunahan pa si Frencheska ni Zyrene Parsad, second runner-up ni Frencheska sa Are You the Next Big Star? na sumikat as recording artist dahil pinu-push siya ng Viva Records. Nabigyan nga kami ng self-titled album ni Zyrene na ipo-promote niya pagbalik niya mula sa Amerika dahil siya ang kakanta ng National Anthem sa November 13 laban ni Manny Pacquiao.
Three albums ang gagawin ni Zyrene sa three years contract na pinirmahan niya sa Viva Records at si Mr. Vic del Rosario mismo ang kumikilos para siya’y sumikat.
