Maayos ang schedule ni Marian Rivera dahil kahit sabay-sabay ang trabaho, walang nabibitin. Bumalik ito ng Manila noong Holy Week at nakapagbakasyon pa sila ni Dingdong Dantes sa Singapore. Kahapon, balik Ilocos Norte siya para sa shooting ng Temptation Island at pagbalik, taping ng Amaya naman ang gagawin.
Sa May na ang airing ng Amaya kaya sunud-sunod na ang labas ng trailer at ang latest trailer, parang topless nga si Marian. Ang epic serye ang isa sa may biggest cast sa series ng GMA-7.
Samantala, isa sa mga araw na ito, itataas na siguro ang billboard ni Marian ng bago niyang endorsement na isang beauty clinic.
Sabi ng manager nitong si Popoy Caritativo, ni-request ng aktres na mag-endorse siya ng beauty clinic at natupad. Ang laser hair removal ang ii-endorse niya sa beauty clinic.
