Lalo raw paiinitin ng GMA ang kanilang Saturday block sa kanilang bagong programming line-up. Sisimulan ito ng hindi matinag-tinag na Startalk TX, na mas magiging maintriga raw ngayon. Susunod pa rin ang Wish Ko Lang ni Vicky Morales, na tutulong sa isang college student na magbobote. At ganu’n din sa batang si Magda na mag-a-undergo ng brain surgery.
Susunod naman agad ang Kapuso Movie Festival at ang pelikulang Ang Panday ni Sen. Ramon ‘Bong’ Revilla Jr. And after that, pasok din agad ang 24 Oras Weekend nina Jiggy Manicad at Pia Arcangel.
Siyempre, hindi pa rin mawawala ang Kapuso Mo, Jessica Soho, na may kuwento tungkol sa Harry Potter mania. Just recently, the program received the honor for Best Magazine Program and Jessica Soho for Best Magazine Program Host at the 2010 Star Awards for TV. Nandiyan pa rin naman ang Imbestigador ni Mike Enriquez.
At siyempre, ang inaabangan ng lahat ay ang duo nina Allan K at Eugene Domingo, ang Comedy Bar. Hindi nga matibag ang dalawang ito sa Comedy Bar, kahit na tapatan pa sila ng kung anu-anong show ng kalaban.
Anyway, mas maraming katatawanan daw ang handog nila, kasasma ang Brazilian-Japanese hunk na si Fabio Ide.
