Patuloy sa paghatid ng inspirasyon ang afternoon drama ng GMA 7 na Nita Negrita habang patindi nang patindi ang mga eksena nito.
Matapos makaligtas sa hitad na si Danica (Diana Zubiri), isasama ni Ben (Jim Pebangco) si Nita (Barbie Forteza) papunta kay Nana Ima (Nova Villa) habang patuloy niyang nililinlang sina Mirasol (Lotlot de Leon) at Danica.
Ipapakita ni Ben kay Mirasol ang picture ni Nita kaya magkakaroon si Mirasol ng pag-asa na buhay pa ang anak.
Kukumbinsihin ni Ben si Mirasol na kailangan muna nilang magpa-DNA test para makasigurong si Nita at si Netnet ay iisa.
Bakit ganoon na lamang ang kagustuhan ni Ben na makialam sa buhay ni Nita at sa mga taong nakapaligid sa kanya?
Ano ang inililihim ni Ben?
