Pinangunahan ng Mara-Clara stars na sina Kathryn Bernardo at Julia Montes ang mga Most Popular Teens ngayong 2011 sa poll na ginawa ng LionhearTV (http://facebook.com/LionhearTV)!
Sina Kathryn Bernardo at Julia Montes ay mga graduates ng gag show na Goin’ Bulilit sa ABS-CBN at nabigyan ng malaking project at ito nga ay ang Mara-Clara.
Nanguna si Kathryn Bernardo na mas nakilala bilang Mara at nakakuha ng 2,914 votes. Si Kathryn ang sinasabing maaaring sumunod sa yapak ni Judy Ann Santos na kinikilalang Young Superstar ngayon.
Si Julia Montes naman na mas nakilala bilang Clara ay nakakuha ng 2,738 votes. Si Julia naman ang sinasabing susunod sa yapak ng nag-iisang Optimum Star na si Claudine Barreto.
Hindi na nga maawat ang kanilang pagsikat dahil masusundan agad ito ng isang youth oriented show na “Growing Up” na malapit nang ipalabas sa ABS-CBN. Mapapanood na rin sa mga sinehan ang movie nilang “Way Back Home” ng Star Cinema na talagang pinakaaabangan ng buong sambayanan ngayong August 17, 2011.
Si Julie Anne San Jose na produkto ng reality-singing search ng QTV noong 2005 ang pumangatlo sa poll. Hindi man siya ang naging winner ng kumpetisyon na ‘yun ay nabigyan siya ng break ng GMA7 at napasama sa variety show na SOP at ngayon nama’y sa Party Pilipinas. Mas lalong gumanda ang career niya nang ipares siya kay Elmo Magalona at maisama sa sitcom na Andres de Saya at kabilang na siya sa bagong serye ng GMA7 na “Daldakina”. May cameo apperance siya sa Tween Academy Class of 2012na ipapalabas na ngayong August 24, 2011. Mayroon na rin daw siyang movie na nakaset next year kasama ang kapares niyang si Elmo.
Si Devon Seron naman ay produkto ng reality show na Pinoy Big Brother Teen Clash at tinaguriang “Promdi Sweetheart ng Cebu”. Hindi siya ang naging Big Winner kundi si James Reid na naging kaloveteam niya. Napasama si Devon bilang isa sa mga stars ng nawalang “ShoutOut” at regular na lumalabas sa ASAP Rocks at kasama na siya sa “Good Vibes”. Lumabas na rin siya bilang guest artist kasama si James Reid sa drama anthology ng GMA7 na “Maynila”
Si Kiray Celis ay kasamahan nina Julia at Kathryn sa first batch ng Goin’ Bulilit at nakilala doon bilang isang komedyante. Sunod-sunod ang mga guestings ni Kiray pagkatapos noon sa MMK, at iba pang shows sa ABS-CBN. Lalo pa siyang nakilala nang mapasama pa siya sa Mara-Clara at naging reunion project nila ito ng mga kasamahan niya sa Goin’ Bulilit batch 1 stars na sina Julia at Kathryn. Napapanood si Kiray ngayon sa Happy! Yippie! Yehey! at malapit na sa youth oriented show na “Growing Up”.
Sila ang mga pasok sa ating Top 5 Most popular teen girls ngayon. Nasa ibaba ang buong listahan ng mga teen girls at ang mga nakuha nilang boto. Congratulations!
Most Popular Teens of 2011 (Girls)
1. Kathryn Bernardo 2,914
2. Julia Montes 2,738
3. Julie Anne San Jose 2,392
4. Devon May Seron 2,099
5. Kiray Celis 1,779
6. Tricia Santos 1,643
7. Bea Binene 1,477
8. Barbie Forteza 914
9. Yassi Pressman 865
10. Sarah Lahbati 800
11 Louise Delos Reyes 783
12. Schai Sigrist 432
