Mistulang “tribute album” para sa mga haligi ng musikang Pilipino ang ikaapat na solo at kauna-unahang live album ni Rockoustic Princess Yeng Constantino na may titulong “Yeng Versions Live!”
Sa pagnanais niyang bigyang-pugay ang mga tinitingalang musikero, si Yeng mismo ang pumili ng mga awiting tampok sa kanyang bagong album na ni-record nang live sa Teatrino Promenade in Greenhills.
Sa ilalim ng Star Records, kaloob sa “Yeng Constantino Live!” ang mga kantang sinulat ng ilan sa mga pinakamahuhusay na kompositor sa bansa kabilang ang “Alapaap” ni Ely Buendia ng Eraserheads, “Mahirap magmahal ng Syota ng Iba” ni Jim Paredes ng Apo Hiking Society, “Paniwalaan mo” ni Chito Ilacad, “Kamusta ka” ni Rey Valera, “Even If” ni Cecille Azarcon-Inocente, “Kahapon lamang” ni George Canseco, “Kahit konti” ni Gary Granada, “Esem” at “Banal na Aso, Santong Kabayo” ni Westdon Abay, at ang medley ng dalawa sa mga hit compositions ni Yeng, ang “Hawak Kamay” at “Salamat.”
Matapos ang kanyang all-original album na “Lapit” kung saan si Raimund Marasigan ang album producer, isa ring natatanging ‘music collaboration’ ang “Yeng Versions Live!” dahil isa pang OPM ‘music icon’ ang producer nito, si Jack Rufo, ang dating lead guitarist ng 90’s band na Neocolours.
Maki-rock and roll kasama si Yeng sa kanyang “Yeng Versions Live!” na mabibili na sa mga record bars sa buong bansa. Maaari ring ma-download ang mga kanta ni Yeng sa www.starrecords.ph.
1 Comment
POPROCK PRINCESS po si Ms.Yeng Constantino.. not rockoustic princess…thanks