Ibang-iba para kay Dwarfina ang mundong nakasanayan na natin.
Ang dollhouse ay isang magarang mansion para sa kanya. Ang daga ay isang mabagsik na kalaban. Ang bakuran ay isang malawak na lupaing puno ng sorpresa at panganib.
Gayunpaman, kahit na sandangkal ang kanyang laki, taglay pa rin ni Dwarfina ang puso ng isang normal na tao na naghahangad ng pagmamahal at umaasang makamit ang mga pangarap.
May mga nilalang na sinliit din ni Dwarfina. Sila ang tinatawag nating mga “Duwende” at nakatira sila s amundo ng Kalibut-an.
Mapapadpad sa mundo nila si Yna kung saan siya’y tatanghaling prinsesa ng mga duwende at tatawaging Dwarfina.
Sa pakikipagsapalaran ni Dwarfina sa ating mundo at sa daigdig ng mga duwende, matutuklasan natin na kahit ang maliit at ang minamaliit ay may mahahalagang papel na ginagampanan.
Heart Evangelista bilang YNA / DWARFINA
Ipinanganak na sinlaki ng isang daliri dahil sa isang sumpa. Mapagmahal na anak at kaibigan. May angkin ding tapang at kayang ipagtanggol ang sarili kung kinakailangan. Patutunayan niyang kahit maliit lang siya, kaya rin niyang mabuhay, mangarap, at magmahal gaya ng normal na tao. Mapapadpad si Yna sa mundo ng mga duwende kung saan siya ay makikilala bilang si Dwarfina.
Dennis Trillo bilang LYNDON
Matalik na kaibigan ni Dwarfina mula pagkabata. Ipinanganak na mayaman ngunit mararanasan ang paghihirap nang malugi ang negosyo ng pamilya. Siya ang lalaking iibigin ni Dwarfina. Kakayanin ba niyang isuko ang pagiging mortal para mahalin din si Dwarfina?
Janice de Belen bilang MARISSA
Ang ina ni Dwarfina. Mamahalin ang anak sa kabila ng pagiging iba niya.
Cris Villanueva bilang KARDO
Ang maunawaing ama ni Dwarfina. Siya ang magtuturo kay Dwarfina kung paano ipagtanggol ang sarili sa panganib.
Chanda Romero bilang SELYA
Ang malupit na lola ni Dwarfina na manunulsol sa iba na magalit sa maliit na apo.
Iwa Moto bilang LUCILLE
Ang ampon na kapatid ni Dwarfina. Kahit kailan ay masama na ang tingin sa kapatid niya.
Mark Bautista bilang ESTONG
Ang matalik na kaibigan ni Lyndon na pahinante sa pier.
Kylie Padilla bilang CHLOE
Ang ‘Am-Girl’ na kapatid ni Lyndon na babalik sa Pilipinas para mapalapit sa kanya.
Derrick Monasterio bilang DARIUS
Ang trabahador ni Estong sa junkshop na magkakagusto kay Chloe.
Yogo Singh bilang BUDDY
Ang batang kalyeng kukupkupin ni Lyndon. Kasama at kinukuwentuhan ni Lyndon sa buhay.
Mga Duwende
Jestoni Alarcon bilang DITU CALIXTO
Ang butihing hari ng mga duwende.
Jackie Lou Blanco bilang DITA ABIANA
Ang reyna ng mga duwende. Ang dahilan kung bakit maliit si Dwarfina. Ituturing na anak si Dwarfina nang mapunta ito sa pangangalaga niya.
Angelika dela Cruz bilang ROMERA
Ang makapangyarihang duwendeng nagbabalak agawin ang trono ng Kalibut-an.
Emilio Garcia bilang HULYANO
Ang ambisyosong asawa ni Romera.
Pauleen Luna bilang GWENDINA
Ang anak nina Romera at Hulyano na may gusto kay Elvin. Pagdududahan si Dwarfina.
Will Devaughn bilang ELVIN
Ang ‘Digto’ o minerong duwende na iibig kay Dwarfina. Hanggang saan siya papaya na dalhin ng pagmamahal niya kay Dwarfina?
Tony Mabesa bilang NUNO UMBERTO
Ang pantas ng Kalibut-an. Sa kanya sumasangguni ang mga Ditu at Dita para sa mahahalagang desisyon.
Vaness del Moral bilang CAMILA
Ang tagasilbi ng prinsesang si Dwarfina
Mico Aytona bilang DUWENTUKIN
Ang duwendeng aatasang magbantay sa prinsesang si Dwarfina.
