Pinakikilala sa Amaya si Pancho Magno, ang 24-year old son ng GMA 7 executive Redgie Magno. Sa press launch ng primetime show ni Marian, ikinuwento ni Pancho na tutol sa pagpasok niya sa showbiz ang kanyang ina pero wala itong nagawa.
Certified nurse si Pancho dahil pumasa siya sa board exam pero nahihirapan siya na humanap ng ospital na mapaglilingkuran.
Hindi natuloy ang plano ni Pancho na mag-migrate na lang sa Amerika dahil biglang dumating ang offer ng GMA 7.
Para hindi maakusahan ng “nepotism” ang kanyang ina, pumirma si Pancho ng kontrata sa GMA Artist Center. May kasunduan din ang mag-ina na hindi lalabas si Pancho sa mga TV show na hawak ni Redgie.
Nang makausap namin si Pancho, hindi pa siya nakakapag-taping para sa show ni Marian kaya ang mga acting workshop at constant visit sa gym ang kanyang pinagkaabalahan.
Nakita namin si Redgie sa silver wedding celebration nina Bong at Lani. Inulit ni Redgie ang kuwento ni Pancho na ayaw niya na payagan na mag-artista ang kanyang anak.
Idinagdag ni Redgie na nasa legal age na si Pancho kaya hindi siya makikialam sa mga desisyon ng anak tungkol sa showbiz career nito.
