Kasalanan bang maituturing kung para sa pag-ibig ang kanilang gagawin?
Hangad nina Raul at Noemi ang isang mabuting kinabukasan para sa isa’t isa. Ang pagtatapos ni Raul sa pag-aaral ay ang tanging pag-asa nila para makaahon mula sa kahirapan.
Ang pangarap na ito ay mabibigo nang sa pagtatanggol ni Raul kay Noemi ay mapapaslang niya ang malupit na tiyuhin nito.
Aakuin ni Noemi ang krimen para makapagpatuloy si Raul sa pag-aaral, sa kasunduang ipagtatanggol niya ito sa hukuman kapag siya’y abugado na.
Hindi ito matutupad ni Raul at maaakit pa siya kay Corrine. Kaya’t isusumpa ni Noemi na sa oras na siya’y makakalaya, ang paghihiganti ay sa kanya.
