Patuloy ang pagiging winner ng mystery dramang minahal ng sambayanan. At sa huling linggo nito ay patuloy pa ring pinag-uusapan kung sino nga ba ang killer.
Matutuklasan na nga kaya nina George (Carla Abellana) at Sam (Bea Alonzo) ang mga misteryong bumabalot sa buhay ng mga Palacios? Pati nga ang isa sa mga naunang namatay sa serye na si Basil (Benjamin Alves) ay pilit pa ring pinagbibintangan ng mga netizens.
“Hindi pa nahahanap kasi hindi talaga siya namatay. He is behind all the killings..the mastermind” sey ng ilan sa official Facebook page ng GMA Network.
Abangan ang mga kasagutan sa nalalapit na pagtatapos ng Widows War sa GMA Prime!
