Umani na naman ng international recognition ang dalawa sa teleserye ng ABS-CBN, ang Magkaribal at ang Dahil May Isang Ikaw.
Nominated sa New York TV Festival ang dalawang drama series sa Telenovela category kaya naman masayang-masaya ang pamunuan ng ABS-CBN lalo na ang Star TV na siyang unit ng mga nasabing serye.
Ang Magkaribal ay matatandaang pinagbidahan nina Gretchen Barretto, Bea Alonzo at Derek Ramsay habang ang Dahil May Isang Ikaw naman starred Jericho Rosales, Kristine Hermosa, Sid Lucero, Lorna Tolentino and Gabby Concepcion.
Pangatlong nominasyon na ito internationally ng Dahil May Isang Ikaw. Matatandaang na-nominate din ang serye for Best Telenovela last year sa International Emmy Awards at naging nominado rin si Sid for Best Actor. Bukod dito, na-nominate din ang serye sa Asian TV Awards.
Sa ngayon ay inaalam pa kung sinu-sino ang lilipad sa New York para sa awarding ceremony.
