Grabe sa dami ng taong nagsipila sa GMA Annex Audience Entrance kahapon para lang makakuha ng ticket sa pilot episode ng bagong game show ni Manny Pacquaio sa GMA7, ang Manny Many Prizes! Nangangahulugan lang itong marami talaga ang nag-aabang sa bagong show na ito ni Manny at maraming tao ang umaasa na mabibiyayaan sila ng show na ito.
Kahit kainitan ng araw at sa pagkahaba-haba ng pila ay marami ang nag-asam talagang makakuha man lang ng ticket para sa pagsisimula show ni Congressman Pacquiao bukas ng gabi. Mahihirapan kasing makapasok sa AFP Theater ang mga taong walang ticket dahil mahigpit ang seguridad doon.
Bukod kasi sa mga bahay at lupa mamimigay din sila ng maraming datung kaya ‘yung mga kababayan nating ayaw mapagod pero gustong magkadatung kaya tinitiis nila ang hirap sa pagpila pa lamang.
