Itinanggi ni Iza Calzado ang balitang nagbabalak siyang lumipat sa kabilang network (see the link). Nagsimula sa isang blind item mula sa isang talk show hanggang sa magkaroon na nga ng pangalan at ito nga ay si Iza Calzado.
Nagulat pa nga siya nang mabalitaan niya ito dahil wala man lang siyang natatanggap o nakakausap man lang na kahit na sinong executives ng Kapamilya Network.
Nagtatanong lang daw naman siya at gusto niya lang na malaman ang kanyang mga option bilang talent ng Artist Center ng GMA 7, maliban sa mga alok ng Kapuso network. Wala pa raw negosasyon na nangyayari sa kahit na anong network si Iza.
