Kaba-blind item lang namin tungkol sa isang actor na matagal napanood sa shows ng GMA-7 na nakatakdang pumirma ng exclusive contract sa TV5, nang may magbalitang nakapirma na ang actor na walang iba kundi si Anjo Yllana.
Ang game show na Suwerteng-Suwerte raw ang isa sa mga gagawing show ni Anjo at may comedy show pa itong gagawin at baka madagdagan pa ang programa. Matagal nang walang show sa Kapuso Network si Anjo at sa Eat Bulaga na lang siya napapanood na hindi prodyus ng istasyon, kaya naging madali sa kanya ang tanggapin ang offer ng TV5.
Sayang, dahil kung kailan may mga bubuksang comedy show ang Channel 7, saka naman lilipat si Anjo. Hanggang kailan kaya ang pinirmahan nitong exclusive contract?
by Nitz Miralles
